رانچی ،25 ؍دسمبر(ایس او نیوز؍آئی این ایس انڈیا) جھارکھنڈ کے وزیر اعلی ، ہیمنت سورین نے حکومت کے ایک سال کی تکمیل پر 29 دسمبر کو منعقدہ ریاستی اور ضلعی سطح کی تقریبات کی تیاریوں کا جائزہ لیاہے۔

انہوں نے عہدیداروں کو ریاستی سطح اور ضلعی سطح کی تقریبات کے انعقاد کے سلسلے میں کورونا کے حوالے سے جاری کردہ ہدایات پر عمل کرنے کی ہدایت کی۔ اس موقع پر وزیر اعلی کو تیاریوں کے بارے میں تفصیلی معلومات دی گئیں۔ بتایا گیا ہے کہ حکومت کو ایک سال مکمل ہونے کے بعد ہیمنت حکومت متعدد اسکیموں کا انبار لگانے والی ہے۔

وزیراعلی رانچی میں منعقد ریاستی سطح کے ایک تقریب میں 1458.95 کروڑ کی 19 اسکیموں کا افتتاح کریں گے۔ اس کے علاوہ ہیمنت سورین 1091.92 کروڑ روپے کی 11 اسکیموں کی سنگ بنیاد اوراور 15 اسکیموں کو لانچ کریںگے ۔ وہ 533455 مستحقین میں اثاثوں کی تقسیم کریں گے۔ پانی کی فراہمی کے لئے متعدد اسکیمیں ، ہزاری باغ کلکٹریٹ ، ڈیری پلانٹ ، رہائشی اسکول ، اکو ٹورزم سرکٹ اور گرڈ سب اسٹیشن ، خواتین کی ہیلپ لائن نمبر 181 ، یونیورسل فلاح وبہبود اسکیم ، محکمہ دیہی ترقی ، پردھان منتری آواس یوجنا کے ایک لاکھ مستحقین سمیت کئی افتتاحی منصوبوں کے لئے ہوم انٹری ، زرعی قرض معافی اسکیم سمیت متعدد کام ہوں گے۔